傾計回到家 2:06
蝙蝠俠對超人，看了。最多 3.2/5.0，scale：埃及神戰 4.2/5.0，the big short 4.1/5.0，spotlight 4.6/5.0，葉問3 3.2/5.0。近來差一點的戲都不花時間去看，搵套葉問拉下 average。
wmoov 公眾評分：3.5/5.0。比較優獸大都會 4.6/5.0，spotlight 4.2/5.0，功夫熊貓3 4.4/5.0。spotlight 個人評分較平均高因為喜歡那種尋真題材、專業感、帶動研究項目的感覺、和宗教醜聞題目。
（劇透慎入）
1. 回家才知 Christopher Nolan 有份參與顧問。Batman 是老戰廿年之後，故意想說他的老態。不過老態不入戲，倒覺得笨手笨腳、唔醒、心智低。本來蝙蝠俠最勁的不是能力，而是他是心智和格鬥技都是完美的人；但這集蝙蝠俠易怒、小氣、粗心大意、無計劃、潛意識唔清；而格鬥，成套戲尐人同佢打全部都有種就住黎打的感覺。而超人果段睇卡通好過，無攝場感。最後仲唔知做乜野引左隻野入城，要攞支槍唔可以攞左再番黎咩。結論：其實蝙蝠俠唔存在就乜事都無。
2. 好多劇情犯駁。e.g. 最基本說：蝙蝠俠為何要打超人？底線係乜？殺左佢？劇情純粹交代因為驚超人做壞事，一個「驚」字就要殺左佢？電影想暗示蝙蝠俠無完整資訊。不嬲都資訊強大的蝙蝠俠點解唔去查？唔查重要事又可以查到kryptonite的位置？但最後又會想搵晒尐異類出黎，自相矛盾。仲有好多。
3. 劇情交代支離破碎。我算係睇開複雜劇情的人，不過都睇到有尐暈。連貫感不足。每套我覺得麻麻的戲我都會睇錶，呢套我睇左四次錶。可想像劇力不足。
4. 成套戲，一味爆爆爆。三個不成身打埋一堆，最後又係一招老牌屈招完場。一早估到，無劇力可言。個大佬唔夠型又唔夠勁。3.2/5.0 真係純粹俾面係套 superhero 大作。
5. 女角好重要是常識吧。蝙蝠俠個女友/老婆連個樣都無得個背影（可能係個假人）；超人女友係惟一似番套戲的女角。Wonder Woman (Gal Gadot, notice the hebrew origin)？服裝設計浪費晒個名模。使人想起黎明對衛蘭句金句。
6. 留意此片無彩蛋。我之後才知道 Oracle (i.e. Bat Girl / Barbara Gordon) 都有出場，不過電影版無。
7. 感想：Alfred 呀俾番個 Alfred 我。
p.s. 俾一尐無睇開的人
1. 超人本來在佢自己的星球上，係無超能力的。黎左地球，太陽系的太陽對佢的身體有特別刺激，會駛佢有超能力。超人上集電影有交代。
2. 據傳統人設，超人係能夠抵受核彈的。
3. Lex 係超人傳統死敵。歷史可以追溯大半個世紀。(Lex=Mark Zuckerberg…)
4. 最尾果隻野有朵的，叫 Doomsday。傳統亦係能夠殺死超人的怪獸。
5. 果幾段片：Aquaman, Cyborg, Flash
6. 呢集要睇過超人上集電影和知道基本Batman 人設才能比較看得明。劇情假設左係常識。
Stories Tech Biz 